Ugwalo:     GIYA-GIYA! Iqoqo Lenkondo Zembongi Ezisekuleli Lezisemazweni

Umhleli:     Barbara Nkala

Amakhasi: 326

ISBN:         978-1-77921-655-7

Hlabezulu, sethula kini iqoqo lenkondlo ezilotshwe zimbongi ezikuleli lezisemazweni. Iqoqo leli liza ngomfutho othi Giya-Giya! Liqoqo lenkondlo eziphosa zithinte amakhulu amabili, zilotshwa zimbongi ezingaphezu kwamatshumi amahlanu. Inkondlo zijuluka njengenyosi zithulula okuqumbaqumbayo lokutshwaqisayo, okumnandi kunye lokubaba gamu njengesihaqa empilweni yethu le elezigigaba ezingapheliyo; ezigoqela iCovid-19 engazange ibonwe ngokhokho bethu. Ezinye inkondlo zilemfundiso eyinqaba esiza ukuthuthukisa uluntu, kanti ezinye ziyasola ukuphatheka kubi kwabantu lencindezelo yamalungelo abo. Sizitshayela ihlombe imbongi lezi sisithi aziqhubeke zihlobisa ulimi lwesiNdebele oluthandeka kangaka. Siyaliqakezela ligiya zimbongi ngelikubona kusenzakala phambi kwamehlo enu, ukuze uzulu athinteke laye abone impilo ngelihlo elivusileyo.  Ngena-ke lawe ugiye lalezizimbongi, unambithe ukholwe ngalokho okwazivusa usinga.