31 Mpalakazi 2024

Ngiyalibingelela lonke ngemakhaya lakumagumbi amane omhlaba malunga eBarbara Clara Makhalisa-Nkala Literary Trust (BCMNLT).

Okokuqala ngibonga iNkosi uMdali wethu ngokusibusisa ngempilo enhle  lamandla okusebenza, lokugcwalisa injongo yeTrust.

 Besengiyibonga njalo iNkosi ngomsebenzi wonke owenziwa yiTrust ekuthuthukiseni ulimi lwethu lweNdebele ngokuloba ingwalo ezinhle lokuhamba sicebisa amahlabezulu phezu kokuloba okuhle.

Ngitshayela ihlombe bonke abalobi abalengwalo ezadindwa zaphuma lonyaka okugoqela olwami olwakuqala lona oluqukethe okumayelana lembali yami lomsebenzi wami wokusakaza.

Ngibonga uMama uNkosikazi Nkala ngomsebenzi wonke omuhle awuqhuba ehofisini ehlela izingwalo, njalo ehlangana labantu abatshiyeneyo  ebakhuthaza ngokuloba indatshana ezimfitshane, inkondlo lamanoveli ngobungcwethi obuphezulu. Kangikhohlwa bonke enhlanganisweni abaphathisana loMama ngendlela ezahlukeneyo.

Ngithanda ukubonga amakomidi ethu eBhodi, okuthi eyezokuloba izingwalo (Literary) kanye leyezezimali (Finance), kanye layo iBhodi ngokwayo, ngemisebenzi emihle esiphakamise indumela lesithunzi seTrust. Ngibonga wonke umuntu ophathisana leTrust.

Okokucina, ngethula ukubonga okukhulu kakhulu kwabeTelco bona abangadinwa ngokuphathisa inhlanganiso yethu ngezimali zokufinyelela imisebenzi yonke ephambi kwayo.

Ngithi mnyaka omutsha ka2025, omuhle ogcwele impumelelo lokukhuthala!
Yimi, uJohn Masuku, uMgcinisihlalo, Harare, 31.12.2024

(NB. This goes under Notices. I’ll send the Chairman’s picture, John Masuku to your WhatsApp)