Giya Mthwakazi

Nansi-ke imbongikazi yethu okaSiqhoza ovame ukuzihaya ngokuthi ‘Zingizwanizinja!’ Lamhla uphakamisa iMbokodo. Ukutshelwa yikuncitshwa, bala uzizwele ukuthi yiyiphi imbokodo le eyinqaba. IMBOKODO Ngihay’ elithi mbokodo Umachol’ achobodise Idwala lamadwal’ elehlul’ ispheph’ esiphekul’ uphahla Lehlul’ isamvu lincibilikis’ itshe Imvul’ ingxongxa Yama njal’ imbokodo Angikhulumi ngamaYellowborne Isiqoqod’ esihlafun’ itshingam’ esontweni Omama ngizele ngigcinel’ umntanami Angikhulumi ngebele lendlela Othathekile…

Lamhla zimbili imbongi ezigiya kulesisigcawu. Nansi njalo intombi yethu uSisanda Ncube yona eqeqesha eNational University of Science & Technology, kuhlangothi lwePublishing. Ilaya ilimukisa ngokuphela kwesikhathi. Ake uthathe ithuba uzwisise ukuthi indikimba yendaba aphezu kwayo iyini. Nampa bayenda bayendiselanaZiyanda izimuli, Abazukulu lezizukulwaneAbagqize qhakala abeNkosiYintokozo kuphela;Khepha!Siphelil’ isikhathi. Sansakavukela umchilo wesidwaba,Bavuk’ izilwane obaba ekhayaOmama bavuka balale ngendukuNgakolunye uhlangothiObaba…

Banengi-ke abaxoxa ngaloludaba lwamasankishini. Ake sizwe ukuthi imbongi le yona ithini? Wena ucabangani ngalendaba? Uthini? Uthini naNdodana?Ngith’asihambe makhelwana.Siyengaphi?Khonal’ esigodlweni.Siyekwenzani naNdo?Awuzwanga kanti?Ukuthini?Uzaswela umsila njengembila wenaNgoba?Kuyadliwa mngane wami.Kudliwani makhelwana?Amaqath’ amabili enkukhu,Amabili makhelwana!Yebo na?Lamatshiphisi. Ibhokisi lamafehlefehle?Uzathengelwa ngubani NaNdo?Thina asisakwazi ukudla lokho.Zinkokheli zethu, hawu! ZimemileAwuwuzwanga umkhankaso kanti?Awuboni izikolo zivaliwe,Lemisebenzini likhefu kusasaWonke amabombo, tekele!Enkundleni enkulu esigodlweni!Sithi, kawesulwe amasankishini!Kodwa uNaNene uthe…

Sesike sahlangana loSithembile Siqhoza. OkaSiqhoza yimbongo eyaziwayo kakhulu. Uleqoqo lezinkondlo elakhutshwa ngo 2017 elithi, IBHODO LEZINKONDLO. Ludinge kuye lolugwalo ukholise ugiye laye ngokwehlukeneyo empilweni. Uvamile ukukhuza esithi, ‘Zingizwan’ izinja’. Sibelaye ekuqaliseni ngqo esithi, ‘Duba Langithola Sengaguga’. Ake sizwe ukuthi ugiya esithini lamhla nxa ethi, ‘Le Ndlela’. Zaphalal’ inyembeziNgangathuliswa muntu.Ngesul’ izithukuthuku zijulukaNgijule ngengqondoNgiyathuthumelaNgiyesaba lendlel’ esihamba ngayoYiyo…

Nansi imbongi yethu uMartin Mlilo elila isililo senhliziyo lomphefumulo. Ukhalela ilizwe lakhe ngalokhu abona kulukhophe olukhulu osolusenza impilo ilumele njengenkobe ezilamatshe. OkaMlilo uthi: Gulukudu! Sangena isilo esiyindlala,Zalamba zalandulw’ izinganeZathi dacalala zamdambiyanaZanjengomdlezane wesalukazi sempisi.Zathiwa mfi ngeqhele izisu zamaninaIndlal’ idladlazel’ ethunjini,Lafukul’ iphango njengembovaneKogudluka nin’ ukugugudeka lokhu?Koze kube nini Zimbabwe? Sadl’ ingqweqe zomlomoZoph’ igaz’ indeb’ eziyinkangalaUmophelo waz’ ubika…