Siphila emhlabeni ogcwele ububi. Impilo yikulwa lokunqoba ububi izinsuku zonke. Asingeke sibunqobe ububi ngawethu amandla zwi. Siyawaswela Amandla avela kuMdali wethu olothando. Elizwini leNkosi siphiwa izikhali ezimbili esingagadla ngazo sisilwa lomubi. Encwadini yeSambulo sithola amazwi la: “Bamnqobile ngegazi leWundlu langelizwi lobufakazi babo …” Amandla asegazini lezwini likaJesu Insindiso iza emuntwini ngegazi likaJesu elachitheka esiphambanweni ukuze…
UMage wayehlala exwayisa umngane wakhe owayenguthathekile, eduma lalaba, adume lalabaya. Kwelinye ilanga wangena endlini yabo yokulala esikolo engumtshoko ehlahle amehlo, wafika wazijika phezu kombheda wakhe ephefuzela. Wamangala umngane wakhe uMage wathi, “Sekutheni ungena njengomvundla okhuthwe luhlamvu lombhobho Geze?” “Mage, besengiziphosele emalahleni. Bengizafela amafufu njengegundwane.” “Kwenzenjani? Hluba indlubu ekhasini bo.” “Wena!” ehlalela phambuli embhedeni wakhe. “Ngizwe…
Isaga esithi umuntu usesenga lezimithiyo siyatshiwo lapho lowo muntu esekhuluma aluhlaza tshoko, eqamba amanga asegcekeni. Inkomo esengwayo ngelethole loba esanda kuzala. Iyehlisa uchago inkomo elethole ukuze limunye likhule kuhle. Kuyafana nje lebantwini. Umama olengane uyehlisa uchago emabeleni ukuze imunye isuthe ikhule. Nxa inkomokazi isilebele, isimithi, ayehlisi. Iyabe isakhulisa ngaphakathi kwayo inkonyane ezazalwa. Ngaleso sikhathi imbele…
Ukubumba Izaga Usebenzisa Amabala Owaphiweyo Ngiyakwamukela njalo mfundi webanga lesine kumfundo yesecondary kusigaba sethu esithi, Sithini IsiNdebele? Kulesi isigaba injongo yethu yikuthi sigqibe isifundo sethu lapho ebesifundisana khona ngokwakhiwa kwezaga usebenzisa amabala owaphiweyo. Kulesi isifundo ngizathanda ukuthi ngigqibe ngokuliphathisa ngoluhlu lokucina lwamabala ongacelwa ukuthi wakhele kuwo izaga sikhangelane lenhlalo yamaNdebele. Manengi amabala okungakhethwa kuwo ukuthi…
IZAGA Isaga esithi ‘Ukuxotsha mpalambili’ sande ukutshiwo kuxwayiswa abantu abatsha ukuba bajonge into eyodwa zwi, bangazami ukuxamalaza besenza okunengi ngasikhathi sinye kucine kungaphumeleli konke. Omama labogogo babevame ukwetha inganekwane ukuze batshengise okutshiwo yisaga. Kuthiwa umzingeli waphuma ijumo esiyazingela egangeni. Dukuduku, nansi impala enone icwazimula esandleni sakhe sokudla, Nango-ke umzingele ekhupha umtshoko wakhe ukubana ayitshoke idilikele…
