LETJA BULENGWE – May 2024
(Overview)
Wake up embrace hard work and learn from others. Let us not apply for poverty. We are all striving for a better life, and we must not forget our cultural heritage. Wealth is a result of dedication and effort, not violence or wrongdoing. Let’s not shed blood or do wrong to accumulate wealth.
Title: LETJA BULENGWE
Poet: Shelton Lubimbi
Language: Tjikalanga
Location: Plumtree
Ehh meweee!!!
Saziba izina lembgwa
Letja buduwetuwe
Letja bulengwe ubvume diyika
Letja bumata,
Wakoka buhayi kwatatjini?
Milika utjentjele sebamwe.
Wose nhu umungwa
Wose nhu unogwila butjilo bubuyanana
Butjilo gusina magwadzo.
Butjilo gusina dukuta.
Butjilo guna fumwa.
Butjilo gweziba Ndzimu.
Ndabhuzwa iwe utjilengwe tjakatini? tjinolaha ludzi
Walaha ludzi Walaha lulimi gugwe.
Walaha lulimi Walaha midzimu iye.
Walaha Namwali kakale.
Walaha lulimi, Walaha milenje yiye
Walaha kose ikoku Wakoka buhayi.
Buhayi uhaya mano nemazwibhato.
Buhayi ugala pewhugwi kwe tjipo tjawakapiwa namwali.
Buhayi ulambila mungubo bamwe balume benohinga.
Buhayi ifupatila gole levula batjenjevu belima.
Buhayi ulima ukaletja hakula.
Tjenjela Nkalanga Fumwa ayitobuya yoga.
Yabuya iliyoga inabatezi.
Batezi igudo kene?
Batezi bakuswiswa koga?
Bukamu gwakhona maguhhadzisa tjini?
Wababhayila yaka kola kene? Kene banolila wale wabhaya gamulilo.
Ndihandule ndakubhuzwa
Buya kwadzo milandu
Akuna tjinotiwa nenhu tjikasazibgwa
Nyama wombeledzwa inopatula hhali
Tjebatezi tjobgwilila kubatezi
Mwana wakanomwe wabe nekukwe watjibe nloyi
Danga laka nomwe lihhele meti dzakabuya negudo.
Letjani bulengwe
Wakati epfula ngubo kutjimangwanana enda kukwele Muliponi.
Letjani mukila maladzwa, nanasi bamwe nanomukila Pala hhali, bamwe balume benohinga.
Balume mabhuda tenhele menovima Lopa?
Mahanduka mhuka yakatini isingahle tebula Lopa lenhu
Ndohla zwangu
Wamimila wahla
Umwe nemwe ngaadle dukuta lile.