Siyabonana njalo lamhla kulesisigcawu munt’ omuhl’ omutsha. Lamhla sizaphinda enye njalo ingxaki ebhekane lentsha yethu esike sancokola ngayo kuso lesisigcawu. Sike saxoxa ngengxaki ezidalwa yikugcagcini inkululeko lamalungelo aphiwa intsha. Inkululeko yokwenza lokho umuntu akuthandayo inhle kakhulu. Kodwa lawo malungelo angaphathwa butshapha adala ingxaki empilweni. Sizaphinda yona leyo lamhlanje.Le yingxaki okwaxoxwa ngayo ngoLwesithathu ziku 27 ngoNhlolanja 2020, encwadini kaGogo Nkala eyesificamunwe munye lonyaka. Siyafisa ukuwuzwa owakho umcabango ngaleyo ngxaki.