Yonke into ebonayo ibona ngamehlo. Akukho okubona ngamakhala kumbe ngendlebe. Amehlo asekhanda phambili ngaphansi kwesiphongo. Isiphundu sona sisemuva kwekhanda. Akekho obona ngesiphundu. Isiphundu siyabe sifulathele. Kuvamile ukuthi nxa abantu benyeya umuntu loba bekhuluma beceba okubi ngaye, bangafuni ukuthi abezwe loba ababone. Kuyenzeka kwesinye isikhathi bamhleke umuntu engababoni ngoba bengemuva kwakhe. Kuyenzeka banyaze bamkhombe ngeminwe bemeyisa…
“Lindani likhuleke ukuze lingaweli ekulingweni. Umoya uyathanda, kodwa umzimba ubuthakathaka”uMakho 14:38. Maye ngesidensi! Isidensi yisitha. Ngumthakathi wezigodo. Umuntu olesidensi uzitshela ukuthi isikhathi sisekhona, uzakuthi esesenza. Omunye ubona ulutho oluhle abanye beluphanga azitshele ukuba balewala, uzakuthi eselwenza. Athi qaqabu lungasekho acine esesithi, “Ngabe ….” Isidensi senza umuntu avilaphe ukwenza khathesi, acine ebalekelwa yimfundo, loba aphunyukwe…
“Mzukulu, ngangingekho ezweni lenkaba ngenxa yesimo selizwe. Ngangise Ningizimu Afrika. Ngomnyaka ka2020, ekuqaleni kwawo, sezwa amahemuhemu athi sekukhona umkhuhlane obulala abantu ubuthumuthumu. Kwathiwa lumkhuhlane uqale phesheya kwelamaTshayina.” “Pho kwakuthiwa yini lowo mkhuhlane gogo?” ebuza uMbali emafulufulu efuna ukuzwisisisa. “Kwathiwa yiKhorona vayirasi mzukulu, babuye bawubize nge Covid-19.” “Hawu gogo, umkhuhlane obizwa nge nombolo pho?” “Yebo mzukulu,…
Asiqondisane Mntomtsha Siphakathi kwesikhathi esinzima kakhulu esidinga ukuba umuntu azazi ukuba yena ungubani, uvela ngaphi njalo uya ngaphi. Kulezizikhathi esiphila kizo, kunengi okukhathazayo okuletha izinkinga kithi abantu abatsha. Ngifisa ukuthi fahla ngokunye kwalokho esengikubonile. Okokuqala, bakhona ontanga ababona kunzima ukwala izinto ezithile, asithi mhlawumbe nxa sicelwa okuthile ngabangane kumbe labo esifunda labo ezikolo. Mntomtsha, nxa…
Kithi sakhula sithanda kakhulu omunye uBaba omncane owayevame ukusihlekisa nxa esethatshiswe ngomunye emulini owenze kuhle, akhulume ngokutshiseka ebobotheka athi, “SIYA PHAMBILI!” Sakhula-ke sesimbiza ngalawo mazwi aba libizo lakhe lokusoma. Kodwa lathi-ke kuvamile ukuthi sitsho lapho okulomphumela omuhle ukuthi, “Siyaphambili!” Loba besiphila impilo yokuvikana leCovid-19 kuyole iminyaka emibili edlulileyo selokhu sasungula iTrust le, siyambonga uJehova ngokusivikela…
