UMNCINTISWANO WOKULOBA INOVELI NGESINDEBELE

July 16, 2019By Literary Competitions, WRITER'S CORNER

Bakhona abalemibuzo thile mayelana lomncintiswano lo, ikanti abanye sebeqalile. Luyadweba usiba, lemitshina iyaqoqodwa. Halala!    Lamhla enkundleni ngilazisa ukubana kusukela ngeviki elizayo, ngicelile isikhwicamfundo seNyuvesithi yeZimbabwe, uDr Eventhough Ndlovu, ukuba abe esihlephunela imicijo thile ezasiza ukubana amanoveli esiwalobayo ahleleke kuhle, abe lomnkantsho njalo siwanambithise ngokuloba ngolimi oluhlabusa okwamagama. Ungasaleli emuva Mlobi kaMthwakazi!

READ MORE

VUKA MTHWAKAZI!

July 16, 2019By Giya Mthwakazi

Lamhla ngiyaphinda njalo ukukhuthaza kule inkundla ngisithi, VUKA MTHWAKAZI! Vuka Mthwakazi!Wobhuq’ obukaBhuka kuze kube nini?Uhoq’ ingom’ emem’ impukaneNanzo zitshikitsha zitshay’ umpululuZithaph’ ubhic’emacimezwen’ akhoZikhoth’ iklezampisi, zisuz’itshefuNanzo zitshekel’emlonyeni wakho bomuNanzo zitshaphaza zitshakala usal’ usububula. Vuka MthwakaziVuk’ uzenzeleAsikh’ esaphandel’ esinyeVuk’ ungalibali ngokukhwazel’ izeUpheth’ upepetsha langa phuma, langa tshona.Uyangungun’ uz’ ulahl’ umlomoUvuthel’ amalangabi avuth’ ahanguleAqothule kusal’ igceke lendlalaVuka wenze,…

READ MORE
Giya Mthwakazi

DUBA LANGITHOLA SENGAGUGA

July 16, 2019By Giya Mthwakazi

Kuviki elidlulileyo, ingqobe ibe yikuthi, ngubani umqali wesiziba kuyole inkundla, kugiya uMthwakazi. Zikhona ezingenileyo kodwa besidinga ethinta kwamanci. Nango uSithembile Siqhoza esibukula Ibhodo Lezinkondlo alidindisa kwabe Mhlaba Mkhulu Publishers kweleZansi. Usiphakulele le ethi, DUBA LANGITHOLA SENGAGUGA. Ake lizwe ukuthi igiya igabaza isithini intombi kaSiqhoza. DUBA LANGITHOLA SENGAGUGA BengiqolotshaNgiqonuleNgiqothule kuquphuk’ uqethu. Kudala’ amatsh’ esancwebekaBesancwebisan’ igway’ ogogoOyihlomkhulu besancwadaIncwadi zingakabikhoOnyoko bethwal’ icholoBewachayaBewacholel’…

READ MORE
Giya Mthwakazi

Gogo Nkala

July 16, 2019By Giya Mthwakazi

Mthwakaz’ omuhle, nansi isigcawu sokugiya ngobuciko bakho. Vukubula ugqozi obelulele lununkule, lutshakale, lutshitshimbe yeka! Asiphutshe isitshikitsha sezwi lakho, zitshaywe izikeyi zokubabaza, idutshulwe ingquzu yokugabaza ngolimi, sibukele sincinde. Giya ngemibono, lemizwa lemicabango yakho. Ingabe uyamemeza, kumbe uyaklabalala, kumbe uyalila, mhlawumbe uyabihla, caca uzwakale. Kunga uyamomotheka, kumbe uqhakala uhleko, kumbe uyaqumbaqumba, mhlawumbe uyalaya, loba uyakhalima, loba ukhonona…

READ MORE
DEVOTIONALS

UNkulunkulu Uluthando

October 3, 2017By DEVOTIONALS

UNKULUNKULU ULUTHANDO Ngiyabingelela mzalwane. NguBarbara Nkala, ngibonga ukuthi lamhla kesixoxe ngoNkulunkulu oluthando.   Uthando yinto esiyifisayo sonke. Njalo sonke sifisa ukuthandwa. Kumnandi ukwazi ukuthi siyathandwa. Njalo lathi siyathanda. Sisuka sigogose into esiyithandayo. Asihleki ngomuntu esimthandayo. Singamfela lokumfela.   Kambe zingaki izingoma esizizwa zihlatshelwa ngothando? Akukhathalekile kumbe ngezikhuluma ngothando lwezithandani; kumbe uthando lwezihlobo loba omakhelwana, kumbe…

READ MORE