DEVOTIONALS

UNkulunkulu UMoya ONgcwele

September 25, 2019By DEVOTIONALS

Bakithi, mina ngangike ngesabe njalo nginyukubale ngisizwa uMzalwane ekhuluma ngoMoya ONgcwele engathi yinto. Mayeee! UMoya ONgcwele ngumuntu booo! UMoya ONgcwele nguNkulunkulu! Ngomunye wengxenye kaNkulunkulu: oMunye bathathu; uNkulunkulu uBaba, uNkulunkulu iNdodana enguJesu, loNkulunkulu uMoya ONgcwele. Wayekhona ekuqaleni, ukhona lamhla, uzakubakhona kuze kube nininini! Sivamile njalo ukuthi sithi unguMoya kaNkulunkulu, uMoya kaBaba. Uyabizwa njalo ngokuthi nguMoya weqiniso.…

READ MORE
Amasu Ekulobeni Inoveli

Tshengisa Ungalandisi

September 25, 2019By Amasu Ekulobeni Inoveli

Kanenginengi, nxa uloba inoveli, uzwa izingcitshio ekulobeni zigcizelela lokhu ukuthi, Tshengisa ungalandisi. Sekungathi ukulandisa yindlela engahlabusiyo, indinabadli, elalisayo. Abalobi abenza ugwalo ungalubeki phansi ngabatshengisa okwenzakalayo ngokugabaza ngolimi, besebenzisa amabala adala imifanekiso engqondweni, aphakamise imizwa, ngoba elezidutshulo zokwenza. Nanzi izibonelo: 1.Tshengisa: Wathi hluthu isikhwama, nyawo ngibeletha, uMama wasala          esiqhinqa isililo ethwele imikhono ekhanda.  Landisa: Wahluthuna isikhwama wabaleka uMama wasala ekhala.2.Tshengisa: Wagigitheka wathi ga ngesiphundu kwaze kwabonakala lesilakalaka silakazela. Landisa: Wahleka waze walala phansi.3.Tshengisa: Kathintwa lo, kuphazima umbane wezulu utshaye utshabalalise. Landisa: Kaqalwa…

READ MORE

GIYA MBONGI KAMTHWAKAZI!

September 25, 2019By NOTICES

Mthwakaz’ omuhle, nansi isigcawu sokugiya ngobuciko bakho. Vukubula ugqozi obelulele lununkule, lutshakale, lutshitshimbe yeka! Asiphutshe isitshikitsha sezwi lakho, zitshaywe izikeyi zokubabaza, idutshulwe ingquzu yokugabaza ngolimi, sibukele sincinde. Giya ngemibono, lemizwa lemicabango yakho. Ingabe uyamemeza, kumbe uyaklabalala, kumbe uyalila, mhlawumbe uyabihla, caca uzwakale. Kunga uyamomotheka, kumbe uqhakala uhleko, kumbe uyaqumbaqumba, mhlawumbe uyalaya, loba uyakhalima, loba ukhonona…

READ MORE
DEVOTIONALS

Dlana Ilizwi LeNkosi Uphile

September 18, 2019By DEVOTIONALS

KuHubo 19:7 sibala lokhu: “Umlayo weNkosi uphelele, uvuselela umphefumulo; imilayo yeNkosi iqinisile, ihlakaniphisa oyisithutha…” IHubo 119:103 sibala lokhu: “Amnandi kangaka amazwi akho emlonyeni wami, amnandi kulenyosi.” Akukho ukudla komphefumulo okuphilisayo okwedlula ilizwi leNkosi lemilayo Yayo. Liyaphilisa iLizwi leNkosi. Liyawuvuselela liwuqinise umphefumulo.      Kambe sowake wabona umlizane exotshana lengane, ephethe umganu wokudla, ayifunze, intantalaze idlala?…

READ MORE

AMASU AMQOKA EKULOBENI

September 18, 2019By Literary Competitions

Kuviki elidlulileyo, besithembise ukuthi sizalilethela amasu amqoka ekulobeni izinkondlo. Ayeza. Linda, uqaphe! Ungadeli.      Lamhla sibone kungcono ukuthi kesitshaye umphehlo ngeziqondiso zomncintiswano wokuloba inoveli. Bakhona asebengenise imisebenzi yabo. Kuhle lokho. Iqembu labahluleli abazabala bakhethe ingcitshi, bazawuqala umsebenzi wabo khona ngoZibandlela ka 2020.      Okwamanje silifisela umphumela omuhle kakhulu lisaloba, lisalolonga. Zama lawe ubungcono…

READ MORE