Umangoye Selala Eziko Isaga esithi Umangoye selala eziko sitshiwo nxa kukhulunywa ngendlala ekulowo muzi. Ngemfanelo, umangoye kasondeli eziko ngoba kuyatshisa lapho. Kuhlala kubaswe umlilo. Kwamanye amaziko kulegojana eligejwa phakathi laphakathi kweziko ukuze lanxa umlilo ucinywa kusale kulamalahle atshisayo azaphemba umlilo ngelanga elilandelayo. Ngakho-ke, iziko yindawo ehlala itshisa nje loba ikhudumala. Angeke-nje alale eziko umangoye kutshisa…
Imibono Ngemidlalo Yonke Jikelele Abalobimdlalo baveze ukuthi balesifiso sokuloba imidlalo yesiNdebele lokuthuthukisa ulimi, lokhu kuvezwa linani lemidlalo engenileyo, elitshumi lantathu. Inani leli ligoqela lemidlalo emibili engasangenanga emncintiswaneni ngoba ilamabala amalutshwana kulalawo ayeqanjiwe angu20,000 loba edlula lapho. Abalobimdlalo abanengi benelisile ukucupha izehlakalo zabo ezintweni ezenzakala kulezinsuku, ezinjengalezi: izigigaba zeCovid, ukuhlukunyezwa kwabesifazana lamalungelo abo, ukuhlukuluzeka komntwana oyinkazana,…
Woza Uzokuzwa Mngane… Indaba yethu yethiwa nguGOGO uBARBARA NKALA INGANEKWANE Inganekwane yethu yalamhla bangane bakaGogo imayelana loSikhukhukazi loKhozi. Kuthiwa kudaladala izinyamazana lezinyoni kusakhuluma, izinyoni zonke zazilobuhlobo njalo zizwanana. Abanye abangane abakhulu kwakuyimuli kaQhude lemuli kaKhozi. Babenxusana bakholise bendawonye njalo bebolekana konke nje okubolekwanayo. Kwakusithi ngesikhathi sokutshisa izinsiba zibatshisele kakhulu. UKhozi wayelensingo ebukhali ayegunda ngayo lezozinsiba…
“Mzukulu, ngangingekho ezweni lenkaba ngenxa yesimo selizwe. Ngangise Ningizimu Afrika. Ngomnyaka ka2020, ekuqaleni kwawo, sezwa amahemuhemu athi sekukhona umkhuhlane obulala abantu ubuthumuthumu. Kwathiwa lumkhuhlane uqale phesheya kwelamaTshayina.” “Pho kwakuthiwa yini lowo mkhuhlane gogo?” ebuza uMbali emafulufulu efuna ukuzwisisisa. “Kwathiwa yiKhorona vayirasi mzukulu, babuye bawubize nge Covid-19.” “Hawu gogo, umkhuhlane obizwa nge nombolo pho?” “Yebo mzukulu,…
Laba ngoKhekhe abahlakaniphileyo abathola imivuzo ngemva kokuphendula kuhle ukuba inganekwane abayethelwe nguGogo ibe ifundisani. Sibatshayela ihlombe, Izipho zaphiwa yiBCMN Literary Trust ukukhuthaza oKhekhe ukubana bananzelele izifundo ezinhle ezikhona kunganekwane, ezifundisa ubuhle bokuba ngumuntu olobuntu, ohlonipha njali azise abanye.
