Kanenginengi sasizwe nxa sokubaliswa ngembali yomuntu ongumkhokheli ukuthi kazange aphonguvuka esesesikhundleni sobukhokheli. Uyabe esuke lakho khatshana. Omunye utshengisela engumntwana omncane nxa edlala labanye ukuthi nguye abakhanya bonke bekhangela kuye ukuthi abatshele ukuthi benzeni. Nguye ohamba phambili. Nguye umkhuthazi omkhulu. Nguye okhanya ekwazi okuphakamisa lo lalo eqenjini lakhe ukuze ngulowo enze ubungcono bakhe, iqembu lonke lidlale…
Indatshana ilembali ende njengaye umuntu ngoba ibiyindlela yokukhulumisana ebantwini. Lolu yilo uhlobo lwelithiritsha olulembali evela kude. Kumasiko abansundu inganekwane luhlobo lwendatshana obeluyindlela yokukhulisa abantwana, ukulaya, ukufundisa ngamasiko, ngolimi langembali yabantu. Imilando, indaba zabazingeli lazo zindatshana ebezikhona kulithiritsha yomdabu. Imibono ngendatshana Nanzelela imibono le ngendatshana. Okwesikhathi eside indatshana elotshiweyo ibingabonakali njengohlobo lwelithiritsha oluzimele lodwa. Indatshana ibivezwa…
Mntomtsha, sewake wezwa umuntu okhuluma ngokucasuka esithi, “Akulamuntu laphayana!” Kodwa uyabe esitsho umuntu ophilayo, olazo zonke izitho. Uyabe esitshoni? Uzwe omunye ebuka othile athi, “Awuboni-ke! Lokhu yikho ukuba ngumuntu.” Umuntu ngonjani pho? Umuntumuntu ngolobuntu. Ubuntu yikuba ngumuntu. Selalike lizwe inkulumo ethi, ‘Umuntu ngumuntu ngabantu’? Kutshoni lokho? Kutsho khonalokho ukuthi bengekho abanye abantu abakubona njengomuntu,…
MNTOMTSHA VUKA!Esalela muv’ ixhakalwa yizinjaAsikh’ esaphandel’ esinye boVuk’ uzenzeleUmlobi nguweImbongi nguweUmkhokheli wakusasaNguweVuka bo! Mntomtsha, asihlanganeni kusonalesi sigcawu maviki wonke. Sijonge ukufundisana, lokuqondisana. Sijonge ukwakhana lokukhuthazana. Sijonge ukuphakamisana. Phakama. Ungasali. Siqale sixoxa ngengxaki zabatsha. Sesingena kokunye. Zinengi esizaxoxa ngazo lapha. Nxusa omunye umntomtsha angasali. Sifuna ukuzwa owakho umbono. Uqakathekile. Sibonise eyakho imicabango. Siyaphambili!
Zinengi izindlela ezazisetshenziswa ukufundisa ngempilo yethu abantu abansundu. Enye yazo kwakuyikudlala imidlalo ethile. Ngaleyo ndlela imfundiso yayigcinakala idluliselwa ebantwaneni, kubazukulu lakusizukulwane. Babefundisana bedlala behlabela. Nanku umdlalo wakuqala: Sicel’umntwana Isifundo: Empilweni yethu abansundu abantwana ngabomuntu wonke. Nxa imuli ingelaye umntwana ingacela umntwana kwesinye isihlobo. Umdlalo njalo wenza bezwane amandla bekholisa ukudlala. Umdlalo Umdlalo lo ungadlalwa yiloba…
