Ukusetshenzwa Kwamabele Esevuniwe
ULIMI LWAKHO
Ukuvuna
Ukuvuna yikwehlukanisa izikhwebu zamabele asevuthiwe lamahlanga, amabele abe esesiwa ngekhaya.
Ukuhluba
Ukuhluba yikukhupha ikhasi esilimeni esinjengomumbu, loba imfe.
Ukubhula
Ukubhula yikutshaya ngobhulo amabele asevuniwe kusehlukaniswa inhlamvu zamabele lamakhoba.
Ukuhulula
Ukuhulula yikwahlukanisa inhlamvu zomumbu lesiqu.
Ukuhlungula
Ukuhlungula yikwahlukanisa amabele lamakhoba ngokhomane. Kugunquziswa ukhomane ukuze amakhoba ahlale phezu kwamabele abesesuswa ngezandla.
Ukusesetha
Ukusesetha yikusebenzisa ukhomane ukwahlukanisa isikuba lempuphu, loba okungamakhoba okuseleyo emabeleni.
Ukwela
Ukwela yikwahlukanisa amabele lamakhoba ngokhomane. Kuyacutshwa ibinzanyana kuphakanyiswe ukhomane lukhangeliswe lapho kuvelela khona umoya ukuze uphephethe amakhoba, amabele bese ewela esitsheni loba emgqonyeni.
Ukugiga
Ukugiga yikugxoba loba ukuchola ngomgigo amabele ayabe esengigeni.
Ukuchola
Ukuchola yikusebenzisa imbokodo elitsheni ukugaya kucoliswa amabele.
Ukucacada
Ukucacada yikupitshiza amakhasi amazambane ukuze kuphume inhlamvu zawo.
