Isaga esithi ‘Isigodo sigotshwa sisemanzi’ sisetshenziswa nxa kulaywa abantwana loba kuxwayiswana ngalokho. Nxa umuntu angephula loba akhwixune ugatsha esihlahleni, ulakho ukulugoba lologatsha lusesemanzi ngoba luyatebha. Umuntu ulakho ukulweluka lube yilokho akufunayo ngoba luyavuma nxa lusesemanzi lutebha. Kodwa umuntu angazama lokho isigodo sesomile siphanga sithi phoqo. Nxa sesomile akusamumi ukuthi usigobe loba usaluke sibe yilokho okufunayo.…
Salibonani bangane bakaGogo. Siyambonga uMdali wethu osihlanganisayo njalo lamhlanje bokhekhe.
IZAGA Ngiqala ukuzwa isaga lesi esithi ‘Indlebe yisifebe’ ngathi, Habe! Indlebe? Njani? Ngasengizibuza ukuthi, umuntu okuthiwa yisifebe ngonjani? Kwakhanya ukuba ngumuntu oba lobudlelwano bensitha labantu abehlukeneyo kodwa bengathathananga. Emadolobheni amakhulu kulezindawo lapho izifebe ezima khona ebusuku zilinda ukuzadojwa ngabantu abehlukeneyo, zithengisa imizimba yazo. Kukhanya azikhethi ukuba ngumuntu onjani, inqobo eyakhupha imali ukuba babe bonke ensitha.…
IZAGA Icala aliboli. Lesi yisaga esitshengisa sikhumbuza ukuba, odale icala angazikhohlisi athi lizabola ligqitshelwe lingaphindi libekhona. Phela, yonke into iyabola ilahlwe ikhohlakale. Okuphilayo, okuphefumulayo, okulenyama legazi kungafa kuyabola kunuke phu. Yikho kuba kuhle kugqitshelwe emhlabathini ukuze umnuko ungabikho. Lokudla okuhle okumnandi kungahlala kakhulu kungagcinakalanga kuyabola kunuke kubambe nki. Kuyalahlwa. Yikho nje amagabha ezibi enuka nxa…
ULIMI LWAKHO Ukuvuna Ukuvuna yikwehlukanisa izikhwebu zamabele asevuthiwe lamahlanga, amabele abe esesiwa ngekhaya. Ukuhluba Ukuhluba yikukhupha ikhasi esilimeni esinjengomumbu, loba imfe. Ukubhula Ukubhula yikutshaya ngobhulo amabele asevuniwe kusehlukaniswa inhlamvu zamabele lamakhoba. Ukuhulula Ukuhulula yikwahlukanisa inhlamvu zomumbu lesiqu. Ukuhlungula Ukuhlungula yikwahlukanisa amabele lamakhoba ngokhomane. Kugunquziswa ukhomane ukuze amakhoba ahlale phezu kwamabele abesesuswa ngezandla. Ukusesetha Ukusesetha yikusebenzisa…
